ئەمریکا پاکێجێکی 275 ملیۆن دۆلاریی چەک بۆ ئۆکراینا ئامادە دەکات

ئاڤا نیوز

 

ئەم یارمەتییە سەربازییە لە بودجەی سەرۆکایەتیی ئەمریکا تایبەت بە دۆخە لەناکاوەکان ئامادە کراوە و پێویستی بە ڕەزامەندیی کۆنگرێس نییە.

 

وێنە گەورەکە: لە هەفتەکانی ڕابردوودا ڕووسیا لە بەرەکانی شەڕ لە هەرێمی خارکێڤ پێشڕەوی کردووە و توانیویەتی دەیان گوند و شارۆچکە کۆنترۆڵ بکات. ئۆکراینا ناچار بووە بەشێک لە دانیشتووانی ئەو ناوچانە بگوازێتەوە و پێویستیشی بە چەکە. 

 

زانیاریی زیاتر: پاکێجەکە گوللەتۆپی 155 میلیمەتری، کەرستەی بەرگریی ئاسمانی و گواستنەوەی زەمینی لەخۆ دەگرێت.

 

بۆچی گرنگە: ئەمریکا دەیەوێت لەڕێگەی یارمەتیدانی ئۆکرایناوە پێش بە پێشڕەوییەکانی ڕووسیا بگرێت.