هێلیکۆپتەری سەرۆکوەزیرانی ئەرمینیا “بەسەختی نیشتەوە”

ئاڤا نیوز 

 

هێلیکۆپتەرەکەی نیکۆڵ پاشینیان، سەرۆکوەزیرانی ئەرمینیا بەهۆی خراپی کەشوهەوا بەسەختی نیشتەوە، میدیاکانی وڵاتەکەی ئاماژە بەوە دەدەن کە سەرۆکوەزیران سەلامەتە. 

 

ئەوەی پێویستە بیزانیت: نیکۆڵ پاشینیان، سەرۆکوەزیرانی ئەرمینیا، لە بەر "خراپیی کەشوهەوا" ناچار بووە لە یاریگایەکی وەرزشیی شاری ڤاندادۆز بنیشێتەوە.  

پەیامی فەرمی: پاشینیان دوای نیشتنەوە لەناکاوەکە لە فەیسبووکی خۆی نووسیویەتی "ئازیزانم، هەموو شت باشە. ئێستا ئێمە درێژە بە گەشتەکەمان دەدەین. هیوای ڕۆژێکی خۆش بۆ هەموو لایەک دەخوازم".

 

گۆشەیەکی دیکە: ڕۆژی یەکشەممەی ڕابردوو هێلیکۆپتەری سەرۆک کۆماری ئێران دووچاری ڕووداو بوو و بە هۆیەوە خۆی، وەزیری دەرەوە و چەند بەرپرسێکی دیکە گیانیان لە دەستدا.