سەرۆكوەزیرانی پێشووی سكۆتلەندا بۆ ئاڤا نیوز: كەس لە ئایندەی پەنابەران دڵنیا نییە

ئاڤا نیوز

 

سەرۆكوەزیرانی پێشووی سكۆتلەندا لەبارەی ئەو پەنابەران كە بەریتانیا  بەنیازە ڕەوانەی ڕواندایان بکات دەڵێت، كەس لە ئایندەیان دڵنیا نییە و ڕەنگە حکومەتی نوێ بڕیارەکە ڕابگرێت.

 

وێنە گەورەكە: ئێستا بڕیاری ڕەوانەکردنی پەنابەران بۆ ڕواندا ڕاگیراوە و بڕیارە دوای هەڵبژاردنەكانی بەریتانیا، یەكەمین كاروانی پەنابەران بۆ ئەو وڵاتە بنێردرێن.

 

لێدوانی فەرمی: لۆرد جاک ماكۆنێل، سەرۆكوەزیرانی پێشووی سكۆتلەندا بە ئاڤا نیوزی ڕاگەیاند: هیچ كەس لە ئایندەی ئەو پەنابەرانەی حكومەتی بەریتانیا بەنیازە بەزووترین كات ڕوانەی ڕواندایان بكات دڵنیا نییە، دەشكرێت حكومەتی نوێ ئەم پرسە ڕابگرێت.

 

بۆچی گرنگە: پرسی ناردنی پەنابەران بۆ ڕواندا لەلایەن بەریتانیاوە كاردانەوەی نێودەوڵەتی لێكەوتووەتەوە و لەناوخۆی بەریتانیاش ئەم پرسە بە گەرمی باسی لێوەدەكرێت. 

 

لەلایەکی دیکەوە: بڕیارە ڕۆژی دووشەممە 27-05-2024 بەریتانیا چەند پەنابەرێکی کورد دیپۆرتی هەرێمی کوردستان بکاتەوە.