پارتی دەسەڵات لە بەریتانیا: خزمەتی سەربازیی دەگەڕێنینەوە

ئاڤا نیوز

 

پارتی پارێزگارانی بەریتانیا بەڵێن دەدات لە ئەگەری بردنەوەی هەڵبژاردنەکان کە بڕیارە لە مانگی تەمووزی ئەمساڵ بەڕێوە بچێت خزمەتی سەربازیی ناچاری بگەڕێنێتەوە. 

 

وێنە گەورەکە: بە گوێرەی پلانەکە گەنجانی تەمەن 18 ساڵ دەبێت بۆ ماوەی یەک ساڵی تەواو لە ڕیزی سوپای بەریتانیا خزمەت بکەن یان لە دوو ڕۆژی کۆتایی هەفتەدا لە دامەزراوەکانی وەک بەرگریی شارستانی، پۆلیس یان تەندرووستی خزمەت بکەن. 

 

لێدوانی فەرمی: ڕیشی سوناک، سەرۆکوەزیرانی بەریتانیا، ڕایگەیاند ئەم بەرنامەیە دەبێتە هۆی درووستکردنی ئامانجی هاوبەش لە نێو گەنجان و هەستی شانازیکردن لە بەریتانیا درووست دەکات.

 

بۆچوونی لایەنی بەرامبەر: پارتی کرێکارانی بەریتانیا، گەورەترین پارتی ئۆپۆزیسیۆن، ڕایگەیاند پڕۆژە پێشنیازەکە ساڵانە زیاتر لە سێ ملیار دۆلاری پێویستە. 

 

ئەوەی پێویستە بیزانیت: لە ساڵی 1960ـەوە خزمەتی ناچاری لە بەریتانیا نەماوە.