ئیسپانیا دانی بە دەوڵەتی فەڵەستیندا نا

ئاڤا نیوز 

 

حکومەتی ئیسپانیا بە فەرمی دانی بە دەوڵەتی فەڵەستیندا نا و چاوەڕوان دەکرێت ئێرلاند و نەرویجیش دانی پێدابنێن. 

 

وێنە گەورەكە: چەندین وڵاتی یەكێتیی ئەوروپا دەیانەوێت دان بە دەوڵەتی سەربەخۆی فەڵەستیندا بنێن وەک پشتیوانییەک لەبەرامبەر هێرشەكانی ئیسرائیلدا بۆ سەر ڕەفەح.

 

لێدوانی فەرمی: پێدرۆ سانچێز، سەرۆكوەزیرانی ئیسپانیا ڕایگەیاند: وەک دەوڵەتێكی سەربەخۆ مامەڵە لەگەڵ فەڵەستیندا دەكەین و دان بەسەربەخۆیی ئەو دەوڵەتەدا دەنێین.

 

ئەوەی ئێستا ڕوودەدات: بڕیارە لەگەڵ ئیسپانیا هەریەكە لە نەرویج و ئێرلاندیش ڕۆژی سێشەممە 28-05-2024 دان بەدەوڵەتەكەدا بنێن و چەندین دەوڵەتی دیكەش دەیانەوێت دان بەدەوڵەتەكەدا بنێن. 

 

باكگراوند: لە ساڵی 1988ـەوە تاوەکو ئێستا 139، وڵات بە فەرمی دانیان بە دەوڵەتی سەربەخۆی فەڵەستیندا ناوە.