ڕووسیا و ئۆکراینا لە کۆنفڕانسی ئاشتیی چین بەشدار دەبن

ئاڤا نیوز

سێرگی لاڤرۆڤ، وەزیری درەوەی ڕووسیا ڕایگەیاندووە، چین کۆنفڕانسێک بۆ ئاشتی ڕێکدەخات کە ڕووسیا و ئۆکراینا تێیدا بەشدار دەبن.

 

بۆچی گرنگە: بەشداریکردنی دوو وڵات کە زیاتر لە دوو ساڵە لە شەڕدان، دەکرێت کاریگەریەکی ئەرێنی لەسەر ڕاگەیاندنی ئاشتیی نێوانیان دروست بکات. 

 

لێدوانی فەرمی: وەزیری دەرەوەی ڕووسیا بە ئاژانسی هەواڵیی ڕووسی ڕاگەیاندووە، هەنگاوێکی لەمشێوەیە تەواوکەری هەوڵە بەردەوامەکانی پەکین بۆ چارەسەرکردنی قەیرانی ئۆکرانیا دەبێت.

 

ئەوەی پێویستە بیزانیت: ڕووسیا چەندین جار داوای دانووستانی کردووە بە مەرجی پێشوەختە کە کیێڤ و ڕۆژئاوا دان بەو دەستکەوتانەدا بنێن کە لە ئۆکرانیا بەدەستیانهێناوە، کە کیێڤ ڕەتی دەکاتەوە.

 

لەلایەکی دیکەوە: لاڤرۆڤ ڕەخنەی لە ئەمریکا گرت کە یارمەتیی ئۆکرانیا دەدات و ڕایگەیاند کە واشنتن بووەتە "هاوبەشێک لە تاوانەکانی ڕژێمی کیێڤ".