لە ئیسرائیل داوای هەڵبژاردنی پێشوەختە دەکرێت

ئاڤا نیوز

 

پارتێکی بەشدار لە کابینەی جەنگیی ئیسرائیل داوای هەڵوەشانەوەی پەرلەمان و ئەنجامدانی هەڵبژاردنی پێشوەختە لەو وڵاتە دەکات.

 

ڕاگەیێنراوی فەرمی: پارتی یەکێتیی نیشتیمانی، پنینا تامانۆ-شاتا لە ڕاگەیێنراوێکدا ئاماژەی بەوە کردووە کە "پڕۆژەی هەڵوەشانەوەی 25ـەمین کەنیسێت پێشکەش کراوە. ئەمەش لەسەر داوای سەرکردەی پارتەکە، وەزیر بێنی گانتز بۆ هەنگاونان بۆ ڕێککەوتن لە سەر هەڵبژاردنێک پێش مانگی ئۆکتۆبەر".

 

زانیاریی زیاتر: گانتز لە ناو کابینەی جەنگیی ئیسرائیلدا وەزیرە. ئەو دەیەوێت بەر لە ساڵیادی هێرشەکەی حەوتی ئۆکتۆبەر هەڵبژاردنی پێشوەختە ئەنجام بدرێت.

 

بۆچی گرنگە: ئەم داواکارییە دەبێتە گوشارێکی دیکە لەسەر بنیامین نەتانیاهۆی سەرۆکوەزیران کە بەهۆی شەڕی غەززەوە لەژێر ڕەخنەی ناوخۆیی و نێودەوڵەتی زۆردایە.