دادگە ترەمپی بە تاوانبار ناساند

ئاڤا نیوز

دەستەی دادوەرانی دادگەی نیویۆرک، تۆمەتی سەر دۆناڵد ترەمپ سەرۆکی پێشووی ئەمریکا و بەربژیری کۆمارییەکانی بۆ سەرۆکایەتی سا‌غ کردەوە و بە تاوانباری ناساند. 

وێنە گەورەکە:ترەمپ بە "ساختەکردنی باکگراوندی بازرگانی" لە پێناو شاردنەوەی "پێدانی پارە لە بەرامبەر بێدەنگکردن" بە ژنێک تۆمەتبار بوو. تۆمەتەکە لە 34 بڕگە پێکهاتبوو و دادگە هەموو بڕگەکانی لە سەر ترەمپ ساغ کردنەوە. 

زانیاریی زیاتر: بڕیارە 11-7-2024 دادگە بڕیاری کۆتایی خۆی لە سەر دۆسیەکە دەر بکات و سزاکەی سەر ترەمپ دیاری بکات. دادگە دەتوانێت سزای بەندکردن و پێبژاردن بە سەر ترەمپدا بسەپێنێت. 

بۆچوونی لایەنی بەرامبەر: دۆناڵد ترەمپ، لە کاردانەوەیەکدا ڕایگەیاند: "ئەم بڕیارە شەرمەزارییە. من بێتاوانم و هەموو ئەم ساختەکارییانە لەلایەن جۆ بایدنەوە ئەنجام دراون، بڕیاری ڕاستەقینە دەنگدەران ڕۆژی پێنجـی نۆڤەمبەر دەریدەکەن". 

ئەوەی پێویستە بیزانیت: دادگەیی ترەمپ لەلایەن دەستەیەکی 12 کەسیی دادوەرانەوە بەڕێوە چوو، 22 کەس وەک گەواهیدەر تیایدا بەشدار بوون و شەش هەفتەی خایاند.

بۆچی گرنگە: ڕۆژی 5-11-2024 هەڵبژاردنی سەرۆکایەتیی ئەمریکا بەڕێوە دەچێت و پێدەچێت بڕیاری دادگە کاریگەریی لە سەر ژمارەی دەنگەکانی ترەمپ درووست بکات، هەرچەند بڕیارەکە نابێتە ڕێگر لە بەردەم بەشداریکردنی لە هەڵبژاردنەکاندا.