ترەمپ داوای تێهەڵچوونەوە لە بڕیارەکەی دادگە دەکات

ئاڤا نیوز

 

دۆناڵد ترەمپ، سەرۆکی پێشووی ئەمریکا و بەربژێری کۆمارییەکان بۆ پۆستی سەرۆکایەتی ئەو وڵاتە، داوای تێهەڵچوونەوە لە بڕیارەکەی دادگەی نیویۆرک دەکات.

 

وێنە گەورەکە: دوێنێ هەینی 31-05-2024، دادگەی نیویۆرک ترەمپی بە پێدانی بەرتیل و ساختەکاری تۆمەتبارکردووە.

 

ڕاگەیێنراوی فەرمی: ترەمپ بڕیارەکەی دادگە بە "شەرمەزایی" وەسفکردووە و داوای تێهەڵچوونەوە دەکات. دەشڵێت، "ئەگەر ئەوان بتوانن ئەو کارە لەگەڵ مندا بکەن، دەشتوانن لەگەڵ هەر کەسێکی دیکەشدا بیکەن."

 

ئەوەی پێویستە بیزانیت: دادگە 34 بڕگەکەی تۆمەتی 'ساختەکردنی بەڵگەنامە داراییەکانی و پێدانی بەرتیل لە سەر ترەمپ ساغکردووەتەوە و بڕیارە لە 11ـی تەمووزی ئەمساڵ سزاکەی دیاری بکرێت.