مەحموود ئەحمەدی نەژاد خۆی بۆ پۆستی سەرۆککۆماری ئێران بەربژێر دەکات

ئاڤا نیوز 

سەرۆکی پێشووتری ئێران بڕیاریدا خۆی بۆ جێگرەوەی ئیبراهیم ڕەئیسی سەرۆککۆماری کۆچکردووی ئێران بەربژێر بکات، لەو هەڵبژاردنەی بڕیارە لە کۆتایی ئەم مانگەدا بەڕێوەبچێت.

وێنە گەورەکە: دوای گیانلەدەستدانی ئیبراهیم ڕەئیسی، سەرۆککۆماری ئێران، بە هۆی کەوتنەخوارەوەی هێلیکۆپتەرەکەی لە ڕۆژی 19-5-2024، بڕیارە هەڵبژاردنی پێشوەختەی سەرۆکایەتیی کۆمار لە ڕۆژی 28ـی حوزەیرانی ئەمساڵ بەڕێوەبچێت.

ڕاگەیێنراوی فەرمی: مەحموود ئەحمەدی نەژاد، سەرۆکی پێشووتری ئێران، ناوی خۆی لە لیستی بەربژێرانی سەرۆکایەتیی کۆمار تۆمار کرد.

زانیاریی زیاتر: یەک ڕۆژ ماوە بۆ تۆمارکردنی ناوی بەربژێران بۆ سەرۆکایەتیی کۆماری ئێران و تاوەکو ئێستا 17 کەسایەتی خۆیان بۆ ئەو پۆستە بەربژێر کردووە لەوانەش عەلی لاریجانی، سەعید جەلیلی ئەمین و وەحید حەقانیان.

ئەوەی پێویستە بیزانیت: دوای تۆمارکردنی ناوەکان، پێویستە ئەنجوومەنی چاودێریی پەسەندیان بکات تا ببنە بەربژێر.