هۆڵەندا بە نهێنی ڕاهێنان بە سەربازانی ئۆکراینا دەکات

ئاڤا نیوز

 

لە ناوەڕاستی مانگی کانوونی دووەم تاوەکو ناوەڕاستی مانگی ئایاری ئەمساڵ، هۆڵەندا ڕاهێنانی بە 300 سەربازی هێزە دەریاییەکانی ئۆکراینا کردووە.

 

وێنە گەورەکە: هۆڵەندا ڕایگەیاند، ڕاهێنانەکە بە نهێنی و بە سەرکەوتوویی تەواو بووە و ویستوویەتی لەم ڕێگەیەوە یارمەتیی پێشکەش بە ئۆکراینا بکات تاوەکو بەرگری لە خاکی خۆی و ئاسایشی تەواوی ئەوروپا بکات. لە ڕاهێنانەکەدا ڕاهێنەرانی نەرویجی، سویدی، بەریتانی و ئەمریکیش بەشدار بوون. 

 

زانیاریی زیاتر: ڕا‌هێنانەکە بە شێوەیەکی چڕ بەڕێوەچووە و ئامانج لێی بەهێزکردنی توانا سەربازییەکان بووە لە چالاکیی ئاوی-زەمینیدا.

 

ئەوەی پێویستە بیزانیت: هۆڵەندا ڕایگەیاندووە، تەنیا لەبەر "ئەگەری هەڕەشەی ئاسایشی" ڕاهێنانەکەی بە نهێنی ئەنجام داوە و پێشتری ئاشکرای نەکردووە.