لاتیڤیا ئۆتۆمۆبێلی سەرخۆشەکان بۆ ئۆکراینا دەنێرێت

ئاڤا نیوز 

 

لاتیڤیا دەست بە سەر ئۆتۆمۆبێلی ئەو کەسانەدا دەگرێت کە بە سەرخۆشی شۆفێری دەکەن، ئۆتۆمۆبێلەکانیش بۆ ئۆکراینا دەنێرێت.

 

بۆچی گرنگە: لاتیڤیا دەیەوێت بەم ڕێگەیە لە ناوخۆ ڕووبەڕووی دیاردەی شۆفێریکردن بە سەرخۆشی ببێتەوە و لە دەرەوەش یارمەتیی ئۆکراینا بدات کە لە شەڕدایە لە دژی ڕووسیا.

 

زانیاریی بەدەستهاتوو: تاوەکو ئێستا زیاتر لە 1500 ئۆتۆمۆبێل دەستبەسەرداگیراو چاکسازییان تێدا کراوە و ڕادەستی سوپا و شارەوانییەکانی ئۆکراینا کراون تاوەکو لە بەرەکانی شەڕ بۆ گواستنەوەی سەربازانی بریندار سوودیان لێوەربگیرێت. 

 

ئەوەی پێویستە بیزانیت: لاتیڤیا پێشتر یەکێک بوو لە کۆمارەکانی یەکێتیی سۆڤیەت، ئێستا ئەندامی ناتۆ، هاوپەیمانیی ئۆکراینا و ڕەخنەگری سیاسەتەکانی ڕووسیایە.