نەتەوە یەکگرتووەکان سەرکۆنەی کوشتنی موسوڵمانانی میانمار دەکات

ئاڤا نیوز

هێرشی سوپای میانمار بۆ سەر موسوڵمانانی ڕۆهینگیا لە هەرێمی ڕاخینی ئەو وڵاتە بەردەوامە، سوپا بە کوشتنی دەیان کەس و کۆچ پێکردنی دەیان هەزار کەس و سوتاندن و تاڵانکردنی ماڵەکانیان تۆمەتبارە. 

لێدوانی فەرمی: ستیفان دوجاریک، گوتەبێژی سکرتێری گشتیی نەتەوە یەکگرتووەکان، ڕایگەیاند: "ئەنتۆنیۆ گوتێرێز بە تووندی سەرکۆنەی هێرشەکانی ئەم دواییەی سوپای میانمار دەکات کە بە گوێرەی ڕاپۆرتەکان ژمارەیەک کەسی سڤیلیان کوشتووە، لە ناویشیاندا ئەوانەی هەرێمی ڕاخین".

زانیاریی زیاتر: سوپا هەموو خزمەتگوزارییەکانی تەلەفۆن و ئینتەرنێتی لە هەرێمی ڕاخین وەستاندووە. ئەمەش بە گوتەی ستیڤان.

ئەوەی پێویستە بیزانیت: مانگی نۆڤەمبەری ڕابردوو سوپای ئەراکانی میانمار هێرشی کردە سەر هەرێمی ڕاخین و کۆتاییان بەو ئاگربەستە هێنا کە لە 2021ـەوە و دوای کودەتا سەربازییەکەی ئەو وڵاتە هاتبووە ئاراوە.

باکگراوند: ساڵی 2017 سوپا هێرشێکی فراوانی کردە سەر موسوڵمانانی ڕۆهینگیا لە هەرێمی ڕاخین، بە هۆیەوە سەدان هەزار کەس ئاوارەی بەنگلادیش بوون. نەتەوە یەکگرتووەکان کار لە سەر بە جینۆساید ناساندنی ئەو کەیسە دەکات.