ئاگر 50 دۆنم خەلە و خەرمانی جووتیارانی سنووری سلێمانی دەسووتێنێت

ئاڤا نیوز

ئاگر لە گوندی هەنارانی خواروو لەسنووری پارێزگای  سلێمانی  كەوتوووەتەوە، تادێت ڕووبەری ئاگرەکە فراوانتر دەبێت، تیمەکانی بەرگریی شارستانیی سلێمانی و دانیشتووانی ئەو ناوچەیە لە هەوڵی کۆنترۆڵکردنیدان

چیرۆكی سەرەكی: بە هۆی بەریەککەوتنی دوو پارچە ئاسن لەگەڵ دەمی دەڕاسەیەک، ئاگر لە بەرهەمی گەنمی چەند جووتیارێکی سنووری سلێمانی کەوتووەتەوە و زیانێکی زۆری بە زەوییەکانی گوندی هەنارانی خواروو لە سەر ڕێگەی مێرگەپان گەیاندووە.

زانیاریی بەدەستهاتوو: تاوەکو ئێستا 50 دۆنم بەرهەمی گەنمی جووتیاران سووتاوە، تیمەكانی بەرگریی شارستانی  و دانیشتووانی گوندەکانی دەورووبەری لە شوێنی ڕووداوەكەن و لە هەوڵی كۆنترۆڵ كردنیدان، بەڵام هێشتا نەتوانراوە كۆنترۆڵ بكرێت".