پووتین سەردانی کۆریای باکوور و ڤێتنام دەکات

ئاڤا نیوز 

 

بڕیارە لە چەند هەفتەی داهاتوودا، ڤلادیمێر پووتین، سەرۆکی ڕووسیا، سەردانی کۆریای باکوور و ڤێتنام بکات.

وێنە گەورەکە: لە سەردانەکەدا کۆبوونەوەی لووتکەی ڕووسیا و کۆریای باکوور بەڕێوە دەچێت و چەند پرسێک تاوتوێ دەکرێن؛ لەوانە، پرسی بردنی کرێکاری کۆری بۆ ڕووسیا، بەو پێیەی ڕووسیا بەهۆی شەڕی ئۆکراینا کێشەی کەمی کرێکاری هەیە. 

 

زانیاریی زیاتر: بڕیارە لە سەردانی ڤێتنامیشدا باس لە پەیوەندییە بانکی و بازرگانییەکانی نێوان هەر دوولا بکرێت.

 

گۆشەیەکی دیکەی دیمەنەکە: ئەمریکا و ڕۆژئاوا کۆریای باکوور تۆمەتبار دەکەن بەوەی مووشەک بۆ ڕووسیا دەنێرێت تاوەکو لە شەڕی دژ بە ئۆکراینادا بەکاریان ببات. 

 

باکگراوند: پووتین ساڵی 2000 بۆ یەکەمجار سەردانی کۆریای باکووری کرد، مانگی سێپتەمبەری ڕابردووش کیم جۆنگ ئوون، ڕێبەری کۆریای باکوور، سەردانی مۆسکۆی کرد.