گوتەبێژی پۆلیسی سلێمانی: دکتۆر دونیا عادل بە كەفالەت ئازاد دەكرێت

ئاڤا نیوز 

گوتەبێژی پۆلیسی سلێمانی ڕایگەیاند، تا ئێستا  د.دونیا عادل لە "معەسکەر سەلام" دەستبەسەرە، بەڵام بە كەفالەت ئازاد دەكرێت.

ئەوەی پێویستە بیزانیت: د.دونیا عادل كە هاوكات ڕاگەیاندنكارە پزیشكێكی چالاكە لە تۆڕە كۆمەڵایەتییەكان،  ڕۆژی 9-6-2024، بە پێی ماددەی 229  لە لایەن پۆلیسی سلێمانییەوە دەستگیرکرا.

لێدوانی فەرمی: سەرکەوت ئەحمەد، گوتەبێژی بەڕێوەبەرایەتیی پۆلیسی سلێمانی، بە ئاڤا نیوزی گوت: "تا ئێستا د.دونیا عادل بە بڕیاری دادوەر لە بەندیخانەی ژنان لە "مەعەسکەر سەلام" بەند کراوە، سبەی 11-6-2024 دادوەر بە کەفالەت ئازادی دەکات".

زانیاریی زیاتر:" د.دونیا عادل سکاڵایەکی لەسەربووە و بۆ ئیفادە سەردانی بنکەی پۆلیسی کردووە، لەگەڵ پۆلیسەکانی بنکەکە دەمەقاڵییان بووە، بەوهۆیەوە سکاڵای لەسەر تۆمارکراوە و دوو ڕۆژە بەند کراوە". گوتەبێژی پۆلیسی سلێمانی وا دەڵێت.

باكگراوند: د.دونیا عادل پزیشکی ددانە و ماوەی چەند ساڵێکە لە بواری ڕاگەیاندن کار دەکات.