سوودانی بۆ بەشدارییکردن لە کۆنفرانسی غەززە بەرەو ئوردن بەڕێکەوت

ئاڤا نیوز 

 

سەرۆکوەزیرانی عێراق، دەچێتە ئوردن بۆ بەشداریکردن لە کۆنفرانسی نێودەوڵەتی لەبارەی پێشکەشکردنی هاوکاریی مرۆیی بۆ غەززە.

 

وێنە گەورەکە: ڕۆژی سێشەممە، کۆنفرانسی گەیاندنی یارمەتیی مرۆیی خێرا بۆ غەززە لە ئوردن بەڕێوەدەچێت، کۆنفرانسەكە نەتەوە یەکگرتووەکان، ئوردن و میسر ڕێکیانخستووە و چەندین وڵات و ڕێکخراوی مرۆیی جیهانی تێیدا بەشدارن.

 

ڕاگەیێنراوی فەرمی: نووسینگەی محەممەد شیاع سوودانی سەرۆكوەزیرانی عێراق بڵاویکردەوە: سەرۆکوەزیران بەرەو ئوردن بەڕێکەوت بۆ بەشدارییکردن لە کۆنفرانسی تایبەت بۆ گەیاندنی یارمەتیی مرۆیی بۆ غەززە.

 

بۆچی گرنگە: لەو کۆنفرانسەدا گفتوگۆ لەسەر دۆزینەوەی ڕێگەی خێرای گەیاندنی یارمەتیی مرۆیی بۆ غەززە دەکات، تا لەو ڕێگەیەوە یارمەتییەکان بۆ کەرتی غەززە بنێرێت.

 

ئەوەی پێویستە بیزانیت: دوێنێ دووشەممە، پێشنیازی ئاگربەستی غەززە لەلایەن ئەنجوومەنی ئاسایشی نێودەوڵەتی لە کۆی 15 دەنگ، بە 14 دەنگی بەڵێ پەسەندکرا.

 

باكگراوند: لە مانگی ئۆکتۆبەری ساڵی ڕابردووەوە، شەڕی نێوان ئیسرائیل و حەماس لە غەززە بەردەوامە و تا ئێستا زیاتر لە 36 هەزار كەس كوژراون و نزیكەی 100 هەزار كەسیش برینداربوون.