واشنتن: ڕەنگە پێشنیازی ئاگربەستی غەززە کۆتایی بە دەسەڵاتی حەماس بهێنێت

ئاڤا نیوز

 

ئەمریکا وای بۆ دەچێت، ئەو پێشنیازەی لە ئەنجوومەنی ئاسایش پەسەند کرا و ئیسرائیل هێشتا قبووڵی نەکردووە "ڕەنگە کۆتایی بە دەسەڵاتی حەماس بهێنێت". 

 

بۆچی گرنگە: ئەم قسانە لە کاتێکدایە، ئیسرائیل بەو پێشنیازە ڕازی نەبووە، حەماسیش پێشوازی لێکردووە.

 

لێدوانی فەرمی: جەیک سولیڤان، ڕاوێژکاری ئاسایشی کۆشکی سپی ڕایگەیاند، پێشنیازی ڕاگرتنی شەڕ لە غەززە ڕەنگە کۆتایی بە دەسەڵاتی حەماس لە غەززە بهێنێت، ئەمەش ئەوەیە کە ئیسرائیل دەیەوێت.

 

لەلایەکی دیکەوە: ڕۆژنامەی تایمز ئۆفی ئیسرائیل لە زاری سولیڤانەوە نووسیویەتی: "لە کۆتاییدا، بە ڕێککەوتن و کارکردن حکومڕانی عەززە لە دەستی تیرۆر دەردەهێنین".

 

باکگراوند: رۆژی دووشەممە، پێشنیازی ڕاگەیاندنی ئاگربەستی غەززە لە کۆی 15 دەنگ، جگە لە ڕووسیا دەنگی 14 وڵاتی بەدەستهێنا و پەسند کرا.