یەکێتیی ئەوروپا هەوڵدەدات مافی مانەوەی کۆچبەرە ئۆکراینییەکان درێژ بکاتەوە

ئاڤا نیوز

 

برۆکسل پێشنیازی کردووە، مافی مانەوەی ئۆکراینییەکان لە یەکێتیی ئەوروپا تاوەکو مانگی ئاداری ساڵی 2026 درێژ بکرێتەوە.

 

بۆچی گرنگە: بەهۆی شەڕی ئۆکراینا و ڕووسیا ژمارەیەکی زۆر لە هاووڵاتیی ئۆکراینی بەرەو وڵاتە ئەوروپییەکان کۆچیان کردووە، ئەم بڕیارە یارمەتیدەر دەبێت لە مانەوەی ئەو کۆچبەرانە بۆ ماوەیەکی درێژتر

 

زانیارییە بەدەستهاتووەکان: زۆربەی وڵاتان پێشوازییان لەو بڕیارە کردووە، رۆژی پێنج شەممە لە دانیشتنێکدا بڕیاری لەسەر دەدرێت.

 

ئەوەی ئێستا ڕوودەدات: ئێستا نزیکەی چوار ملیۆن و 200 هەزار ئۆکراینی ناوی خۆیان بۆ وەرگرتنی مافی پەنابەری لە وڵاتانی یەکێتیی ئەوروپا تۆمار کردووە.

 

ئەمەش بزانە:  ئەڵمانیا، پۆڵەندا و کۆماری چیک میوانداری زۆرترین کۆچبەر دەکەن.

باکگراوند: یەکێتیی ئەوروپا کە لە 27 وڵات پێکهاتووە، بۆ یەکەمجار لە چەند هەفتەی دوای دەستپێکردنی لەشکرکێشییە بەرفراوانەکەی مۆسکۆ لە مانگی شوباتی 2022دا، بۆ یەکەمجار مافی مانەوەی بە ئۆکراینییەکان دا.