بایدن و ئەردۆغان بەشداری جی حەوت دەکەن

ئاڤا نیوز

 

ئیتاڵیا پێشوازی لە لووتکەی سەرکردەی وڵاتانی گرووپی حەوت دەکات کە لە 13-15ـی حوزەیران بەڕێوەدەچێت و جۆ بایدن، سەرۆکی ئەمریکا و ڕەجەب تەیب ئەردۆغان، سەرۆککۆماری تورکیا بەشدار دەبن.

 

وێنە گەورەکە: جگە لە ئیتاڵیا، سەرکردەکانی ئەمریکا، ئینگلتەرا، فەرەنسا، ئەڵمانیا، ژاپۆن و کەنەدا بەشداری لووتکە دەکەن؛ ئەردۆغان وەک میوانی تایبەت لەوێ دەبێت.

 

بابەتە ستراتیژییەکە: لە لووتکەی سەرکردەکانی گروپی حەوتدا، باس لە پرسە جیهانییەکان دەکرێت کە بەهۆی شەڕی ڕووسیا و ئۆکراینەوە هاتوونەتە ئاراوە، دۆخی غەززە و گەیاندنی هاوکارییەکان بۆ ئەو کەرتە باس دەکرێت.

 

زانیاریی زیاتر: ئەو کێشانەی کە لە کەرتی وزە و خۆراکی نێودەوڵەتیدا ئەزموون دەکرێن. هەروەها پرسەکانی گەشەپێدانی بەردەوام و هاوکاری ئابووریش لە بەرنامەی کاردا دەبن.