فەڵەستین: ئیسرائیل 151 ڕۆژنامەنووسی لە غەززە کوشتووە

ئاڤا نیوز 

لە سەرەتای هەڵگیرسانی جەنگی نێوان ئیسرائیل و حەماس، 151 ڕۆژنامەنووسی فەڵەستینی لە غەززە لە لایەن سوپای ئیسرائیلەوە کوژراون.

وێنە گەورەکە: لە حەوتی ئۆکتۆبەری ساڵی ڕابردوو و دوای تێپەڕبوونی 255 ڕۆژ، ئیسرائیل بەردەوامە لە بۆردوومانکردنی غەززە.

ڕاگەیێنراوی فەرمی: نووسینگەی ڕاگەیاندنی حکومی لە غەززە ڕایگەیاند:" ژمارەی ڕۆژنامەنووسانی شەهید گەیشتە 151 ڕۆژنامەنووس، ئەوەش دوای کوشتنی مەحموود قاسم، ڕۆژنامەنووس لە ڕۆژنامەی فەلەستین کە لە لایەن سوپای ئیسرائیلەوە کوژرا".

زانیاریی زیاتر: نووسینگەکە وردەکاریی و شوێنی کوشتنی ئەو ڕۆژنامەنووسەی بڵاونەکردووەتەوە و سوپای ئیسرائیل تۆمەتبار دەکات بەوەی بە مەبەست ڕۆژنامەنووسانی فەلەستین بەئامانج دەگرێت.

ئەوەی پێویستە بیزانیت: بەهۆی هێرشەکانی ئیسرائیلەوە تائێستا 37 هەزار و 347 کەس لە غەززە گیانیان لەدەستداوە و 85 هەزار و 372 کەس برینداربوون و 10 هەزار کەسیش بێسەروشوێنن.