شوێنی حەوانەوە لە هۆتێلەکانی سلێمانی نەماوە

ئاڤا نیوز

لە ماوەی دوو ڕۆژی جەژندا زیاتر لە 200 هەزار گەشتیار هاتوونەتە هەرێمی کوردستان، بەشێوەیەك لە سلێمانی شوێنی حەوانەوە لە هۆتێلەكان نەماوە.

وێنە گەورەکە: لەگەڵ بۆنە و جەژنەكاندا، ژمارەیەكی زۆر لە هاووڵاتیانی باشوور و ناوەڕاستی عێراق ڕوو لە ناوچە گەشتیارییەكانی هەرێمی كوردستان دەكەن.

ئەوەی پێویستە بیزانیت: لە ماوەی چوار ڕۆژدا نزیکەی 80 هەزار گەشتیار سەردانی ناوچە گەشتیارییەکانی سلێمانییان کردووە.

لێدوانی فەرمی: ئارام شوانی، گوتەبێژی بەڕێوەبەرایەتی گەشت و گوزاری سلێمانی بە ئاڤا نیوزی گوت:"لە ماوەی دوو ڕۆژی جەژن و دوو ڕۆژی پێش جەژن، نزیکەی 30 هەزار گەشتیار لە هۆتێلەکاندا ماونەتەوە، بەشێکیان لە ناوچە گەشتیارییەکان و بەشێکی دیکەش لە پارکەکان دەخەون".

باكگراوند: لە سنووری پارێزگای سلێمانی 480 هۆتێلی تۆمارکراو هەن، کە توانای وەرگرتنی زیاتر لە 30 هەزار گەشتیاریان هەیە.