لە ماوەی سێ ڕۆژی جەژندا نزیکەی 900 ئاژەڵ لە هەولێر سەربڕاون

ئاڤا نیوز

 

بەگوێرەی ئاماری کوشتارگەی هەولێر 878 ئاژەڵی گەورە و بچووک لە ماوەی سێ ڕۆژی قوربان سەربڕاون بۆ قوربانی.

 

وێنە گەورەکە: بەراورد بە ساڵی ڕابردوو ڕێژەی قوربانیکردن لە هەرێمی کوردستان بەگشتیی و هەولێر بەتایبەتی بەڕێژەیەکی بەرچاو کەمی کردووە، بەشێوەیەک ساڵی ڕابردوو هەزار و 872 ئاژەڵ بۆ قوربانی سەربڕاون.

 

لێدوانی فەرمی: هەڵمەت هەمزە، بەڕێوەبەری کوشتارگەی هاوچەرخی هەولێر بە ئاڤا نیوزی گوت، "بەراورد بە ساڵی ڕابردوو 681 ئاژەڵی بچووک کەمتر سەربڕاون، ئەمساڵ لە ماوەی سێ ڕۆژدا 678 ئاژەڵی بچووک بۆ قوربانی سەربڕاون".

 

ژمارەکان وادەڵێن: سەربڕینی ئاژەڵی بچووک لەمساڵدا بەمشێوەیە بووە
580 ئاژەڵ لەلایەن هاونیشتمانیانەوە سەربڕاون.
89 ئاژەڵ لەلایەن دەزگاکانی خێرخوازی.

سەربڕینی ئاژەڵی گەورە بەمشێوەیە
66 ئاژەڵ لەلایەن هاونیشتمانیانەوە سەربڕاون
134 ئاژەڵ لەلایەن دەزگاکانی خێرخوازی.

 

لەلایەکی دیکەوە: ئەمساڵ هەزار و 79 کیلۆگرام گۆشت ڕەتکراوەتەوە.