ئەم جەژنە زیاتر لە 159 هەزار گەشتیار لە سلێمانی بوون

ئاڤا نیوز

لە پشووی جەژنی قورباندا زیاتر لە 159 هەزار گەشتیار لە سلێمانی بوون،  داهاتی هاتنی گەشتیاران بۆ خاوەنکاران و کاسبکارانی سلێمانی بە نزیکەیی 32ملیۆن دۆلار مەزەندە دەکرێت.

وێنە گەورەكە: لە جەژنی قوربان و پشووەکاندا لە ماوەی (14 تا 20) ی ئەم مانگە، 159 هەزار و 583 گەشتیار سەردانی شاری سلێمانی و دەوروبەریان کردووە.

ڕاگەیێنراوی فەرمی: گەشتوگوزاری سلێمانی ڕایگەیاند: زیاتر لە 90% ی گەشتیاران لە ناوەڕاست و باشووری عێراق نزیکەی 10 % لە ڕۆژهەڵاتی کوردستان و وڵاتانی دەرەوەی هەرێمی كوردستان لە ڕێگەی بازگەکان و بەدوایدا دەروازەی سنوری و فڕۆکەخانە و ڕوویان کردووەتە شارەکە. 

بۆچی گرنگە: لە ڕووی داهاتی گەشتیارییەوە گەر وا دابنرێت هەر گەشتیارێک بڕی (200) دۆلاری خەرجکردووە، نزیکەی 32 ملیۆن دۆلار دەکات، ئەو پارەیەش بەسەر خاوەنکاران و کاسبکاراندا دابەش بووە.

ئەوەی پێویستە بیزانیت: جەژنی قوربانی ساڵی ڕابردوو 120 هەزار و 460 گەشتیار سەردانی شاری سلێمانییان کردووە، بەوەش ئەمساڵ ڕێژەكە زیادیكردووە.