قیرغیزیستان ئەندامە داعشەکانی وڵاتەکەی لە عێراق و سووریا دەگەڕێنێتەوە

ئاڤا نیوز

 

قیرغیزیستان سەرووی 600 هاووڵاتیی خۆی کە پەیوەندییان بە داعشەوە هەبووە، دەگەڕێنێتەوە وڵات.

 

ڕاگەیێنراوی فەرمی: مارات ئیمانکۆلۆف، سەرۆکی ئەنجوومەنی ئەمنیی قیرغیزیستان ڕایگەیاند: "زیاتر لە 600 هاووڵاتیمان لە عێراق و سووریا گەڕاندووەتەوە کە پەیوەندییان بە ڕێکخراوی داعشەوە هەبووە".

 

زانیاریی زیاتر: "نزیکەی 800 هاووڵاتیی قیرغیزیستان لە سووریا بوون، ژمارەیەکیان ڕایان کردووە، بەشێکیان کوژراون و بەشێکی دیکەشیان لە زیندانییەکانی سووریا و عێراق ماون". ئیمانکۆلۆف ئەمەشی گوت.

 

ئەوەی پێویستە بیزانیت: قاسم ئەعرەجی، ڕاوێژکاری ئاسایشی نیشتیمانیی عێراق، پێشتر داوای لە 60 وڵات کردبوو، هاووڵاتییانی خۆیان کە پەیوەندییان بە داعشەوە هەبووە، لە کەمپەکان ببەنەوە وڵاتەکانیان.