کۆمپانیایەکی نەوتی تورکی هەواڵی هەناردەکردنی نەوت بۆ ئیسرائیل ڕەتدەکاتەوە

ئاڤا نیوز

 

کۆمپانیای گواستنەوەی نەوتی بۆتاشی تورکی ڕایگەیاند، ئەو تۆمەتانەی کە باس لە هەناردەکردنی نەوت بۆ ئیسرائیل دەکەن بێ بنەمان.

 

بۆچی گرنگە: بڵاوبوونەوەی ئەم هەواڵە لەکاتێکدایە، وەزارەتی دەرەوە و بازرگانیی تورکیا دەرگای بازرگانییان بە ڕووی ئیسرائیل داخستووە.

 

ڕاگەیێنراوی فەرمی: بۆتاش لە ڕوونکردنەوەکەیدا ڕایگەیاند، هیچ جۆرە هەناردە و مامەڵەیەکی بازرگانیمان لەگەڵ ئیسرائیل نەبووە.

 

ئەوەی پێویستە بیزانیت: لە دوای حەوتی ئۆکتۆبەر و دەستپێکی شەڕی حەماس و ئیسرائیل، تورکیا بەرەی حەماسی گرت، وەک کاردانەوەیەک لە بەرامبەر بەو وڵاتە هەناردەکردنی بازرگانی لەگەڵ ئیسرائیل وەستاند.