وەزارەتی پلاندانانی عێراق: مانگی 11 سەرژمێری گشتی دەکرێت

ئاڤا دیجیتاڵ 
 
بڕیارە مانگی یازدەی ئەمساڵ سەرژمێریی گشتی لە عێراق ئەنجامبدرێت و هەموو ئامادەکارییەکانیش تەواو بوونە. 

 

لێدوانی فەرمی: وەزارەتی پلاندانانی عێراق لەبارەی ئەنجامدانی سەرژمێریی گشتی ڕایگەیاند: "گفتوگۆ لەگەڵ وەزارەتی پلاندانانی هەرێمی کوردستان دەکەین و هەماهەنگی لەوبارەیەوە دەکەین".

 

زانیاریی زیاتر:  بۆ ئەنجامدانی ئەو سەرژمێرییە، وەزارەتی پلاندانانی عێراق پێویستی بە تابلێتە و هاوردەیان دەکات، بڕیارە مانگی پێنج بەئەزموونی سەرژمێری بکرێت و دوای ئەوە، لە مانگی تەممووز ڕاهێنان بە 120 هەزار کارمەند دەکرێت.

 

باکگراوند: ژمارەی دانیشتوانی عێراق 43 ملیۆن و 324 هەزار کەسە؛ دوایین سەرژمێریی عێراق لە ساڵی 1997 ئەنجامدراوە و لە ماوەی ڕابردووشدا، لایەنە سیاسییەکانی عێراق بۆ ئەنجامدانی سەرژمێری رێکنەکەوتوون.