ئەم مانگە 75 هەزار کەس لەڕێگەی 'هەژماری من'ـەوە مووچە وەردەگرن

ئاڤا نیوز

 

پڕۆسەی خۆتۆمارکردنی مووچەخۆران بەردەوامە و بۆ مانگی حوزەیران 75 هەزار کەس لە ڕێگەی 'هەژماری من'ـەوە مووچە وەردەگرن.

 

لێدوانی فەرمی: مەریوان ئەحمەد، بەڕێوەبەری پڕۆژەی 'هەژماری من' بە ئاڤا نیوزی ڕاگەیاند: پڕۆسەی خۆتۆمارکردنی مووچەخۆران لە هەژماری من بەخێرایی بەڕێوە دەچێت و بۆ مانگی حوزەیران 15 هەزار بەشداربووی نوێ مووچە لە ڕێگەی پڕۆژەکەوە وەردەگرن.

 

ژمارەکان وادەڵێن: بۆ مانگی ئایار 50 هەزار کەس لە ڕێگەی 'هەژماری من'ـەوە مووچەیان وەرگرتووە، بەڵام بۆ مانگی حوزەیران ژمارەی بەشداربووان گەیشتووەتە 75هەزار و پلان وایە تاوەکو کۆتایی ئەمساڵ، مووچەی مووچەخۆرانی کوردستان بەبانکی بکرێت.

 

ئەوەی پێویستە بیزانیت: دادگەی فیدراڵی لە نووسراوێکدا ڕایگەیاند، مووچەخۆرانی هەرێمی کوردستان وەک هەموو مووچەخۆرانی ناوچەکانی دیکەی عێراق، ئازادن لە بەبانکیکردنی مووچەکانیان لە بانکی حکومی یان تایبەت لە چوارچێوەی ئەو بانکانەی بەشدارن لە پرۆژەی هەژماری من.

 

پەیامی فەرمی: لەو بارەیەوە سەرۆکوەزیران بارزانی پێشوازی لە بڕیاری دادگەی فیدراڵی کرد و داوای لە مووچەخۆرانی هەرێمی کوردستان کرد، بە زووترین کات ناویان لە پرۆژەی هەژماری من تۆمار بکەن.

 

گۆشەیەکی دیکە: بەڕێوەبەری پڕۆژەی 'هەژماری من' داوا لە بەشداربووان دەکات لە کاتی ناڕوونی یان خواست بۆ فێربوون لە بەکارهێنانی، پەیوەندی بە بەشی خزمەتگوزارییەکانیانەوە بکەن.