وەزارەتی دەرەوەی ئێران وەڵامی پەیامی سەرۆكوەزیران بارزانی دەداتەوە

ئاڤا نیوز

دوای چەند کاتژمێرێک لە ناردنی پەیامی  پیرۆزبایی بۆ مەسعود پزیشکیان، سەرۆککۆماری نوێی ئێران، وەزارەتی دەرەوەی  ئەو وڵاتە وەڵامی سەرۆکوەزیران بارزانی دەداتەوە و هیوا دەخوازێت  پەیوەندییەکانی نێوان هەولێر و تاران  بە بەهێزی بمێننەوە.

پەیامی فەرمی: وەزارەتی دەرەوەی ئێران لە تۆڕی كۆمەڵایەتی ئێكس لە وەڵامی پەیامی  سەرۆکوەزیران مەسرور بارزانی ڕایگەیاند: " سوپاس بۆ پەیامی پیرۆزباییتان، هیوادارین پەیوەندییەکانی نێوان ئێران و هەرێمی کوردستانی عێراق وەک ڕابردوو بە سەقامگیری و بەهێزی بمێنێتەوە".

ئەوەی پێویستە بیزانیت: دوێنێ هەینی مەسعود پزیشکیان لە گەڕی دووەمی هەڵبژاردنی ئێران بە سەرۆککۆمار هەڵبژێردرا، لە نامەیەکیشدا وێڕای پیرۆبایی، سەرۆکوەزیران بارزانی هیوای خواست پەیوەندییە ئابووری و سیاسی و فەرهەنگییەکانی ئێران لەگەڵ هەرێمی کوردستان و عێراق و تێکڕای ناوچەکە، بەرەوپێشچوونێکی بەرچاو بەخۆیەوە ببینێت.