لە هێرشێکی ئیسرائیل بۆ سەر قوتابخانەیەکی غەززە لانیکەم 16 کەس کوژران

ئاڤا نیوز

هێرشەکانی ئیسرائیل بۆ سەر کەرتی غەززە بەردەوامن، لە هێرشێکدا بۆ سەر قوتابخانەیەک لە کەمپی نوسەیرات کە نزیکەی حەوت هەزار ئاوارەی تێدا نیشتەجێبوون لانیکەم 16 کەس کوژران و زیاتر لە 50 کەسی دیکەش بریندار بوون.

وێنە گەورەکە: شەڕی غەززە پێ دەنێتە مانگی دەیەمینیەوە و هێشتا هەوڵەکانی ئاگربەست بە ئەنجام نەگەیشتوون. بەڵام ئومێدەکان بۆ دەستپێکردنەوەی گەڕێکی نوێی دانوستانەکان بەهێزتر بووبوون.

 
زانیاریی زیاتر: ئیسرائیل لە ڕێگەی فڕۆكەوە هێرشەکەی ئەنجام داوە و نهۆمەکانی سەرەوەی قوتابخانەکەی کردووەتە ئامانج.

باکگراوند: مانگی ڕابرووش ئیسرائیل هێرشێکی هاوشێوەی کردە سەر قوتابخانەیەکی دیکە و بە هۆیەوە لانیکەم 35 کەس کوژران.