پارتی: هیوادارین سەری ساڵی نوێی کۆچی ببێتە مایەی کۆتاییهاتنی کێشە و گرفتەکان

ئاڤا نیوز 

مەکتەبی سیاسیی پارتی دیموکراتی کوردستان، بە بۆنەی سەری ساڵی نوێی کۆچییەوە، هیوا دەخوازێت سەری ساڵی نوێی کۆچی ببێتە مایەی کۆتاییهاتنی کێشە و گیروگرفتەکان.

وێنە گەورەکە: سەری ساڵی كۆچی هاوكاتە لەگەڵ ڕۆژی كۆچكردنی پێغەمبەری ئیسلام لەشاری مەككەوە بۆ شاری مەدینە،‌ وەك یەكەمین ڕۆژی دەستپێكی ساڵێ نوێی كۆچی دیاریكراوە‌، ساڵانە موسڵمانان ئەم ڕۆژە بەرز ڕادەگرن و ڕێوڕەسم و بۆنەی تایبەت ئەنجام دەدەن.

بڵاوکراوەی فەرمی: مەکتەبی سیاسیی پارتی دیموکراتی کوردستان ڕایگەیاند: بە بۆنەی هاتنەوەی (یەکی موحەڕڕەم) سەری ساڵی نوێی کۆچی، گەرمترین پیرۆزبایی لە سەرجەم موسڵمانانی کوردستان و عێراق و جیهان دەکەین، هیوادارین ئەو بۆنە پیرۆزە هەوێنی خێر و خۆشی و ئاسوودەیی بێت بۆ  کۆمەڵگاکەمان بە هەموو پێکهاتەکانییەوە و مایەی کۆتاییهاتنی کێشە و گیروگرفتەکان بێت.

زانیاریی زیاتر: لەو دەرفەتەدا جەخت دەکەینەوە سەر نەریتی دێرینی پێکەوەژیان، پتەوترکردنی گیانی ئاشتەوایی و لێبووردەیی و بەرقەراربوونی سەقامگیری و هەماهەنگی کۆمەڵایەتی و دوورخستنەوەی خولیا و بیری شەڕانگێزی و توندوتیژی لە هەرێمی کوردستان.