پارێزگاری هه‌ولێر: زێده‌ڕۆیکردن بۆ سه‌ر موڵكی گشتی ڕێگەپێدراو نییە

ئاڤا دیجیتاڵ

 

لە پارێزگای هەولێر هەوڵی کەمکردنەوەی زێدەڕۆیی سەر موڵکی گشتی و حکومی دەدرێت؛ سەرپێچیکاران سزا دەدرێن.

 

لێدوانی فەرمی: "زێده‌ڕۆیکردن بۆ سەر موڵکی گشتی و حکومەت ڕێگەپێدراو نییه‌ و سەرپێچیکار ڕووبەڕووی یاسا دەکرێتەوە. هەموو یەکە ئیدارییەکانشمان ڕاسپاردووە لە سنووری دەسەڵاتی خۆیان بەرپرسیارانە مامەڵە بکەن". ئومێد خۆشناو، پارێزگاری هه‌ولێر بە ئاڤا نیوز  گوت.

 

زانیاریی زیاتر: لە ماوەی ڕابردوو، لە چەند ناوچەیەکی سنووری پارێزگای هەولێر بەهۆی زێدەڕییکردن و سەرپێچی بۆ سەر موڵکی گشتی و حکومەت، پێکدادان لەنێوان هاووڵاتییان ڕوویداوە. ئەم هەوڵانەی پارێزگای هەولێریش بۆ کەمکردنەوەی زێدەڕۆیی و سەرپێچییەکانە.

 

باکگراوند: پارێزگاری هه‌ولێر و بەرپرسانی ئیداری شارەکە، کۆبوونەوەیەکیان لەبارەی زێدەڕۆییەکانی سەر موڵکی گشتی و حکومی کرا و ئاماژە بەوە کراوە، پێشێلکردنی یاسا ڕێگەپێدراو نییە و سەرپێچیکاران ڕووبەڕووی یاسا دەکرێنەوە.