کۆمپانیایەکی نەوت و گاز لە قازانجی داهاتی ساڵی 2023 ڕیکۆردی تۆمارکرد

ئاڤا دیجیتاڵ 

 

کۆمپانیای تۆتاڵ ئینێجیزی فەرەنسی بۆ نەوت و گاز، ژمارەی پێوانەیی قازانجی لە ساڵی 2023ـدا تۆمارکرد. 

 

وێنە گەورەکە: هەرچەندە نرخی نەوت و گاز لە ماوەی دوو ساڵی ڕابردوو ڕووی لە دابەزین کردووە، بەڵام کۆمپانیای تۆتاڵ ئینێرجیز توانی بەڕێژەی 4% داهاتی پاکی (سافی) لەچاو ساڵی ڕابردوودا بەرز بکاتەوە، کۆی داهاتەکەش 21.4 ملیار یۆرۆ بوو، فرۆشی ئەو ساڵەشی 237 ملیار دۆلار بووە. 

 

لێدوانی فەرمی: "هۆکاری ئەم بەرزبوونەوەیە لە داهاتی کۆمپانیاکە بۆ گەشەپێدانی بەبازاڕکردنی بەرهەمەکانی کۆمپانیاکە دەگەڕێتەوە بەتایبەت غازی شلی سرووشتی  و کارەبا"، پاتریک بۆیانی، بەڕێوەبەری جێبەجێکاری کۆمپانیای تۆتاڵ ئینێرجیز وای گوت. 

 

گۆشەیەکی دیکەی دیمەنەکە: سەرەتای ساڵی ڕابردوو بەهۆی جەنگی ڕووسیا و ئۆکرایناوە، ڕووسیا بڕیاری دا بەرهەمی غازی سرووشتی و سووتەمەنییەکان بەگشتی بۆ ئەوروپا نەنێرێت، ئەمەش پێشبینییەکی لای شرۆڤەکاران دروستکردبوو کە دۆخی کۆمپانیاکانی ئەوروپا بەهۆی ئەم گەمارۆیەوە باش نابێت، بەڵام ئەم تۆمارەی تۆتاڵ ئینێرجیز هەمووانی تووشی شۆک کرد.