حەمید یاسری: قەیس خەزعەلی بەکرێگیراوە

ئاڤا نیوز

 

فەرماندەی لیوای ئەنسار مەرجەعیەی حەشدی شەعبی سەر بە عەلی سیستانی ڕایدەگەیێنێت، قەیس خەزعەلی "بەکرێگیراوی ئێرانە" و فەرمان لە دەرەوە وەردەگرێت.

 

وێنە گەورەکە: حەمید یاسری، فەرماندەی لیوای ئەنسار مەرجەعیەی حەشدی شەعبی سەر بە عەلی سیستانی، مەرجەعی باڵای شیعەکان، ئەمینداری عەسائیبی ئەهلی حەق تۆمەتبار دەکات بەوەی داردەستی وڵاتانی دەرەکییە و سیاسەتەکانی ئەوان لە عێراق جێبەجێ دەکات.

 

لێدوانی فەرمی: حەمید یاسری لە چاوپێکەوتنێکی تەلەڤیزیۆنیدا گوتی، قەیس خەزعەلی بۆ جێبەجێکردنی بڕیارە سیاسییەکان، فەرمان لە "وڵاتێکی دیکە [لە ئاماژەیەکدا بۆ ئێران] وەردەگرێت و ئەمەش بەکرێگیراوییە".

 

زانیاریی زیاتر: ئەو فەرماندە نزیکەی عەلی سیستانی ئەوەشی گوت، هەر کەسێکی دیکە لە سیاسەتمەدارانی شیعە، سوننە، کورد یان هەر پێکهاتەیەکی دیکە فەرمانی سیاسی لە دەرەوە وەربگرێت ئەوە بەکرێگیراوە.