ئیسرائیل تەماشاکارانی تۆپی پێ بۆردوومان دەکات و 29 کەس دەکوژێت

ئاڤا نیوز

ئیسرائیل کەمپێکی  ئاوارەکان لە خان یونس بۆردوومان دەکات و بەهۆیەوە 29 ئاوارە گیان لەدەست دەدەن.

وێنە گەورەکە: شەوی ڕابردوو سوپای ئیسرائیل بە  مووشەکێک کۆبوونەوەیەکی ئاوارەکانی لە کەمپی خان یونس بۆردوومان کردووە، لەکاتێکدا سەیری یاری تۆپی پێیان کردووە.

زانیاریی زیاتر: بەهۆی بۆردوومانەکە لانیکەم 29 کەس کوژراون و زۆربەیان ژن و منداڵن. ئەم بۆردوومانە لەکاتێکدایە شەوی ڕابردوو لە پاڵەوانێتی یۆرۆ ئیسپانیا و فەرەنسا یارییان هەبوو، لە پاڵەوانێتی کوپا ئەمریکاش ئەرجێنتینا و کەنەدا یارییان هەبوو.

 

ئەوەی پێویستە بیزانیت: هێرشەکەی ئیسرائیل لەکاتێکدایە گفتوگۆکانی دانوستانی ئاگربەستی شەڕی غەززە لە دەوحەی پایتەختی قەتەر دەستیان پێکردووەتەوە. 

لەلایەکی دیکەوە: سوپای ئیسرائیل داوای لە دانیشتووانی شاری غەززە کردووە شارەکە چۆڵ بکەن.