پەیامی سوودانی لەبارەی هێرشەکەی شەوی ڕابردووی ئەمریکا

ئاڤا دیجیتاڵ

سەرۆکوەزیرانی عێراق لە کۆبوونەوەی لەگەڵ وەزیری بەرگریی ئیسپانیا "پێداگری" لەسەر کۆتاییهێنان بە ئەرکی هاوپەیمانیی نێودەوڵەتی لە عێراق دووپاتکردەوە و ڕایگەیاند، هێزەکانمان توانای بەرەنگاربوونەوەی تیرۆریان هەیە. 

 

وێنە گەورەکە: گوتەکانی سوودانی لە چوارچێوەی کاردانەوەکانە لەبەرامبەر هێرشەکەی شەوی ڕابردووی ئەمریکا لە بەغدا کە ئۆتۆمبێلی فەرماندەیەکی کەتائیبی حزبووڵای کردە ئامانج.

 

بۆچی گرنگە: هێزەکانی هاوپەیمانان لە عێراق و هەرێمی کوردستان ڕاوێژ و ڕاهێنان بە هێزی پێشمەرگە و هێزە ئەمنییەکانی عێراق دەدەن، دەرچوونی هاوپەیمانان لەکاتێکدایە کە "جموجوڵی داعش لە ناوچەکە زیادی کردووە، بەمەش مەترسیی سەرهەڵدانەوەی داعش زیاتر دەبێت".

 

لێدوانی فەرمی: محەممەد شیاع سوودانی، سەرۆکوەزیرانی عێراق لە میانی کۆبوونەوەیدا لەگەڵ مارگرێتا ڕۆبلێس، وەزیری بەرگریی ئیسپانیا و شاندی یاوەری ڕایگەیاند: پێداگیری لەسەر کۆتاییهاتنی ئەرکی هاوپەیمانیی نێودەوڵەتی لە عێراق دەکەینەوە، چونکە هێزە عێراقییەکان توانای پێشکەوتوویان لە بەرەنگاربوونەوەی تیرۆردا هەیە، پاشماوەکانی داعش چیدیکە مەترسی بۆ سەر دەوڵەتی عێراق دروست ناکەن.

 

باکگراوند: شەوی ڕابردوو، ئەمریکا بە درۆن ئۆتۆمبێلێکی لە بەغدا کردە ئامانج و دوو فەرماندەی کەتائیبی حیزبوڵڵای عێراق بەناوەکانی " ئەبو باقر ساعیدی و ئەرکان عەلیاوی" کوژران.