عێراق دوو ملیۆن دارخورما لە ناوچە بیابانییەکان دەچێنێت

ئاڤا نیوز

دوای ئەوەی ڕووبەرێکی بەرفراوانی زەوییه‌ کشتوکاڵییه‌كان عێراق له‌ناوچوون، وەزارەتی کشتوکاڵی عێراق پرۆژەی وەبەرهێنانی کشتوکاڵی لە ناوچە بیابانییەکان دەستپێكرد.

وێنە گەورەکە: بەپێی ئاماره‌ فەرمییەکان، ڕێژەی ناوچەی بیابان و بەردین له‌عێراق گەیشتووەتە 41.89%ی کۆی ڕووبەره‌كه‌ی.

ڕاگەیێنراوی فەرمی:محەممەد خوزاعی، گوتەبێژی وەزارەتی کشتوکاڵی عێراق ڕایگەیاند:"پرۆژەكه‌ چاندنی زیاتر لە دوو ملیۆن دارخورما لەخۆدەگرێت، پشت به‌ ئاوی ژێر زەوی دەبەسترێت بۆ ئاودانیان".

ئەوەی پێویستە بیزانیت: عێراق له‌ پلەی چوارەم دێت بۆ بەرهەمهێنانی خورما لە سه‌ر ئاستی جیهان، باشترین جۆرەکانیشی بریتین لە "خەستاوی، خەزراوی، عەشرەسی، جەمالی، هەڵاوی، سایەر و مەکتوم".