ئەندامێکی ئەنجوومەنی نوێنەران: بەمزووانە مووچەی هێزە ئەمنییەکانی هەرێمی کوردستان دەنێردرێت

ئاڤا نیوز

 

وەزارەتی دارایی عێراق ڕێکارەکانی ناردنی پارە بۆ دابەشکردنی مووچەی مانگەکانی پێنج و شەشی پێشمەرگە و هێزە ئەمنییەکان دەستپێدەکات.

 

وێنە گەورەکە: دوای هەوڵەکانی سەرۆکوەزیران بارزانی لەگەڵ محەممەد شیاع سوودانی، سەرۆکوەزیرانی عێراق بۆ چارەسەری کێشەی مووچەی هێزە ئەمنییەکان، سوودانی  وەزارەتی دارایی عێراق ڕاسپاردووە بە خەرجکردنی پارەکە.

 

لێدوانی فەرمی: چرۆ حەمە شەریف، ئەندامی ئەنجوومەنی نوێنەرانی عێراق بە ئاڤا نیوزی گوت، "لە دوای ڕۆژی یەکشەممە 14-07-2024 وەزارەتی دارایی عێراق دەست بە خەرجکردنی پارە بۆ مووچەی پێشمەرگە و هێزە ئەمنییەکان دەکات."

 

ئەوەی پێویستە بیزانیت: لیستی ناوی مووچەخۆرانی پێشمەرگە و هێزە ئەمنییەکان بۆ مانگی پێنج بە کۆد نێردراوە، بەڵام بۆ مانگی شەش بەپێی داواکاریی بەغدا بەشی زۆریان بە ناوی چواری و بەشێکی کەمیان بە کۆد نێردراوە.