خەوی قووڵ هەستی تەنیایی کەم دەکاتەوە

ئاڤا نیوز

 

لە نوێترین توێژینەوەدا دەرکەوتووە، ئەگەر بە شێوەیەکی پێویست و تەندروست بخەویت، هەستی تەنیایت کەمتر دەبێتەوە.

 

بڵاوکراوەی فەرمی: ماڵپەڕی "ڕۆژی تەندروستی" توێژینەوەیەکی نوێی بڵاوکردووەتەوە، سوودێکی نوێی خەوتنی دەرخستووە سەبارەت بە تەندروستی دەروونی، دەرکەوتووە کە خەوی قووڵ هەستی تەنیایی مرۆڤ کەمتر دەکاتەوە، بەتایبەتی بۆ گەنجەکان.

 

ژمارەکان وا دەڵێن: لە توێژینەوەکەدا، زیاتر لە دوو هەزار کەس بەشداربوون و وەڵامی ئەو پرسیارانەیان داوەتەوە بۆ دیاریکردنی ڕادەی هەستکردنیان بە تەنیایی.

 

چی ڕوویدا: ئەنجامەکان دەریانخستووە کە خەوتنی باش پەیوەندی هەیە بەکەمبوونەوەی هەستکردن بە تەنیایی، وەک تەنیایی سۆزداری و تەنیایی کۆمەڵایەتی، بەڵام خەوێکی باش بە شێوەیەکی بەرچاو کاریگەری لەسەر تەنیایی سۆزداری دروست دەکات و کەمی دەکاتەوە.

 

زانیاری زیاتر: پسپۆڕان ئامۆژگاری کەسانی پێگەیشتوو دەکەن کە پێویستە  لە شەوێکدا بە لایەنی کەمەوە حەوت کاتژمێر بخەون.