یەکەم پەیامی ئێران لەبارەی هێرشەکەی ئەمریکا لە بەغدا

ئاڤا دیجیتاڵ

وەزارەتی دەرەوەی ئێران یەکەم پەیامی لەبارەی هێرشەکەی ئەمریکا لە بەغدا بڵاوکردەوە و سەرکۆنەی دەکات.

لێدوانی فەرمی: ناسر كەنعانی، گوتەبێژی وەزارەتی دەرەوەی ئێران ڕایگەیاند "بەتووندی سەركۆنەی هێرشە تیرۆرستییەكەی ئەمریكا لە خاكی عێراق دەكەین، كە بووە هۆی كوژرانی سەركردەیەكی مقاوەمە".

زانیاريی زیاتر: "هێرشەكەی ئەمریكا پێشێلكردنی سەروەری عێراق و یاسا نێودەوڵەتییەكانە، بەردەوامی ئەو كارانە لەلایەن هێزەكانی ئەمریكاوە هەڕەشەیەكی ئاشكرایە بۆ سەر ئاشتی و ئاسایشی ناوچەكە". 

باكگراوند: شەوی ڕابردوو ئەمریكا بە فڕۆكەیەكی بێ فڕۆكەوان ئۆتۆمبێلێكی سەركردەیەكی گرووپە چەكدارەكانی سەر بە ئێرانی كردە ئامانج، بەو هۆیەوە دوو فەرماندەی كەتائیبی حیزبوڵڵای عێراق بەناوەكانی " ئەبو باقر ساعیدی و ئەركان عەلیاوی" كوژران.