بەغدا 700 ملیار دینار  بۆ مووچەی هێزە ئەمنییەکان خەرج دەکات

ئاڤا نیوز

وەزارەتی دارایی عێراق نزیکەی  700 ملیار دینار بۆ  مووچەی  دوو مانگی پێشمەرگە و هێزە ئەمنییەکان خەرج دەکات و چاوەڕوان دەکرێت ئەم هەفتەیە بگات.

چیرۆکی سەرەکی: دوای هەوڵەکانی سەرۆکوەزیران مەسرور بارزانی، محەممەد شیاع سوودانی، سەرۆکوەزیرانی عێراق بڕیاری خەرجکردنی  دوو مووچەی هێزە ئەمنییەکانی دەرکرد.

لێدوانی فەرمی: سەرچاوەیەک لە وەزارەتی دارایی و ئابووری بە  ئاڤا نیوزی گوت، ڕەزامەندی لەسەر خەرجکردنی مووچەی مانگەکانی پێنج و شەش دراوە، تاوەکو ئێستا نەنێردراوە و چاوەڕوان دەکەین ئەم هەفتەیە  بخرێتە سەر هەژماری بانکی هەرێمی کوردستان.

 

زانیاریی زیاتر: ئەو پارەیەی خەرج دەکرێت نزیکەی  700 ملیار دینارە و بڕیارە بە یەکجار بنێردرێت، لەگەڵ گەیشتنی ڕاستەوخۆ دەست بە دابەشکردنی دەکرێت. سەرچاوەکەی وەزارەتی دارایی گوتی "ئەگەر هەموو پارەکە خەرج بکرێت مووچەی هەردوو مانگەکە پێکەوە دابەش دەکرێت".