یەکێتی و شاندێکی ئەمنیی عێراق جەخت لە هەماهەنگی هەواڵگری دەکەنەوە

ئاڤا نیوز

شاندە ئەمنییەكەی عێراق، دوای سەردانی هەولێر و كۆبوونەوە لەگەڵ سەرۆكوەزیران بارزانی، سەردانی سلێمانییان كرد و لەگەڵ سەرۆكی یەكێتی كۆبوونەوە.

وێنە گەورەكە: ئەنجوومەنی ئاسایشی نیشتمانی عێراق، ڕۆژی 10 ی تەممووز كۆبووەوە، لە کۆبوونەوەكەدا "لەشکرکێشی و پێشێلکارییە سەربازییەکانی تورکیا بۆ سەر خاکی عێراقی ڕەتکرایەوە" و بڕیاردرا شاندێك سەردانی هەرێمی كوردستان بكات.

ئەوەی پێویستە بیزانیت: ڕۆژێک دواتر شاندێكی ئەمنیی بە سەرۆكایەتی قاسم ئەعرەجی، ڕاوێژكاری ئاسایشی نیشتمانی عێراق سەردانی هەرێمی كوردستانیان كرد و لەگەڵ سەرۆكوەزیران بارزانی كۆبوونەوە.
 
قووڵتر: ئەمڕۆش شاندە ئەمنییەكەی عێراق سەردانی سلێمانی كرد و لەگەڵ بافڵ تاڵەبانی، سەرۆکی یەکێتیی كۆبووەوە، بەپێی ڕاگەیێنراوی كۆبوونەوەكە دوایین پێشهاتە سەربازیی و ئەمنییەکان تاوتوێکران و دەرئەنجامی کۆبوونەوەی ئەنجوومەنی ئاسایشی نیشتمانی گفتوگۆی لەبارەوە کراوە.

 

زانیاریی زیاتر: لە کۆبوونەوەکەدا بەردەوامیی هەماهەنگییە هەواڵگری و ئەمنییەکانی سەرجەم هێزە چەکدارەکان بە ئامانجی پاراستنی ئاسایش و سەقامگیریی ناوچەکە جەختی لێ کراوەتەوە.