ئەشکەوتێک لەسەر مانگ دەدۆزرێتەوە و دەشێت ببێتە ماڵ بۆ مرۆڤ

ئاڤا نیوز  

زانایان بۆ یەکەمجار ئەشکەوتێکیان لەسەر مانگ دۆزییەوە، وەک خۆیان دەڵێن دەکرێ شوێنێکی گونجاو بێت بۆ دروستکردنی بنکەیەکی هەمیشەیی بۆ مرۆڤ.

وێنە گەورەکە: وڵاتان لە پێشبڕکێدان بۆ دۆزینەوەی شوێنی ژیانکردن لەسەر مانگ و جێگیرکردنی  مرۆڤ بۆ هەمیشە لەسەر مانگ، بەڵام پێویستیان بە پاراستن دەبێت لە تیشک و پلەی گەرمی زۆر و کەشوهەوای بۆشایی ئاسمان.

ئەوەی پێوستە بیزانیت: هێلین شارمان، یەکەم کەشتیوانی بەریتانییە کە گەشتی بۆ بۆشایی ئاسمان کردووە، ئەو دەڵێت ئەو ئەشکەوتەی تازە دۆزراوەتەوە پێدەچێت شوێنێکی باش بێت، هەروەها دەڵێت ئەگەری هەیە مرۆڤەکان لە ماوەی 20-30 ساڵی دیکەدا لە چاڵەکانی مانگدا بژین.

ئەمەش بزانە: لۆرێنزۆ بروزۆن و لیۆناردۆ کارێر لە زانکۆی ترێنتۆ لە ئیتاڵیا ئەشکەوتەکەیان دۆزیوەتەوە، ئەوان دەڵێن "سەرەتا ژیانکردن لەسەر زەوی لە ئەشکەوتەکانەوە دەستیپێکردووە، بۆیە شتێکی لۆژیکییە مرۆڤەکان بتوانن لەناو ئەو ئەشکەوتانەدا لەسەر مانگ بژین".