لیوا هاوبەشەکان مووچەی دوو مانگ و هاوکاریی هاوپەیمانان بە یەکەوە وەردەگرن

ئاڤا نیوز 

ئەم هەفتەیە لیوا هاوبەشەکانی پێشمەرگە، مووچەی دوو مانگ و هاوکاریی هاوپەیمانان بۆ مانگێک بە یەکەوە وەردەگرن.

وێنە گەورەکە: ئەمڕۆ سێشەممە حکومەتی عێراق بڕی 676 ملیار دیناری وەک مووچەی مانگی پێنج و شەشی پێشمەرگە و دامودەزگا ئەمنییەکانی نارد، وەزارەتی دارایی هەرێمی کوردستانیش خشتەی مووچەی ڕاگەیاند، بەڵام لیوا هاوبەشەکانی تێدا نەبوو.

لێدوانی فەرمی: سەرچاوەیەک لە وەزارەتی پێشمەرگە بە ئاڤا نیوزی گوت، ڕۆژی پێنجشەممە 18-07-2024، لیوا هاوبەشەکان مووچەی مانگەکانی پێنج و شەش و هاوکاریی هاوپەیمانان بۆ مانگی شەش بە یەکەوە وەردەگرن. ئەمە لە کاتێکدایە 26ی مانگی ڕابردوو هاوکاریی مانگی پێنجیان وەرگرتبوو.

زانیاریی زیاتر: هەر کاتێک وەزارتی پێشمەرگە لە نێو لیستی دابەشکردنی مووچە دانرا، لیوا هاوبەشەکانیش دەگرێتەوە.

ئەوەی پێویستە بیزانیت: هاوکاریی هاوپەیمانان بۆ پێشمەرگە مانگانە 17 ملیۆن دۆلارە، 30 لیوا و نزیکەی 50 هەزار پێشمەرگە دەگرێتەوە و مانگانە هەر پێشمەرگەیەک 431 هەزار دیناری پێ دەدرێت.