زیاتر لە 12 هەزار پێشمەرگە لەڕێگەی هەژماری منەوە مووچە وەردەگرن

ئاڤا نیوز

 

لیوا هاوبەشەکانی پێشمه‌رگه‌، سبەی و دووسبەی مووچەی مانگەکانی پێنج و شەش و هاوکاریی هاوپەیمانان بۆ مانگی شەش بەیەکەوە وەردەگرن و 12 هه‌زار پێشمه‌رگه‌ش مووچه‌كه‌یان به‌ دیجیتاڵی پێدەدرێت.

 

لێدوانی فەرمی: عەزیز ئەحمەد، جێگری بەڕێوەبەری نووسینگەی سه‌رۆكوه‌زیران بارزانی، لە تۆڕی كۆمەڵایەتیی ئێکس ڕایگه‌یاند: لەم هەفتەیەدا زیاتر لە 12 هەزار پێشمەرگەی لیوا هاوبەشەكان بە شێوازی دیجیتاڵی مووچەكانیان وەردەگرن.

 

خاڵی ئەرێنی: تاوه‌كو كۆتایی ئه‌مساڵ، مووچه‌ی سه‌رجه‌م لیوا هاوبه‌شه‌كان به‌ دیجیتاڵی دەکرێن.

 

ئەوەی پێویستە بیزانیت: هاوکاریی هاوپەیمانان بۆ پێشمەرگە مانگانە 17 ملیۆن دۆلارە، 30 لیوا و نزیکەی 50 هەزار پێشمەرگە دەگرێتەوە و مانگانە هەر پێشمەرگەیەک 431 هەزار دیناری پێ دەدرێت.