شەپۆلێکی گەرمای  تووند ڕوو لە عێراق دەکات

ئاڤا نیوز

ناوەندی ڕاگەیاندنی کەشوهەوای میسر هۆشداری سەرەتای شەپۆلێکی گەرمای تووند ده‌دات، كه‌ سەرجەم ناوچەکانی میسر و عێراق ده‌گرێته‌وه‌.

لێدوانی فەرمی: محەممەد عەلی فەهیم، سەرۆکی سەنتەری زانیاریی کەشوهەوا لە وەزارەتی کشتوکاڵی میسر ڕایگەیاند: هه‌ردوو وڵاتی میسر و عێراق ڕووبه‌ڕوی شەپۆلێکی نوێی گەرما دەبنه‌وه‌ و پله‌كانی گه‌رما زیاتر به‌رزده‌بنه‌وه‌ به‌راورد به‌ ئێستا.

زانیاریی زیاتر: بەهۆی کاریگەری ناوچەیەکی پەستان نزمی وەرزی گەرمی زەریای هیندی، پێشبینی ده‌كرێت له‌ سبه‌ی به‌یانییه‌وه‌ پله‌كانی گه‌رما له‌ هه‌ردوو وڵاتی میسر و عێراق بگه‌نه سه‌روی‌ 45 پله‌ی سیلیزی، تا ماوەی 10 رۆژ به‌رده‌وام‌ پله‌كانی گه‌رما به‌ به‌رزی ده‌مێننه‌وه‌ .

ئەوەی پێشبینی دەكرێت: تا کۆتایی ئەم كاریگه‌رییه‌ پێشبینی ده‌كرێت بەرزترین پلەکانی گەرما له ڕۆژدا له کاتەکانی پاشنیوەڕۆیان و عەسران له‌ زۆربه‌ی ناوچه‌كانی باشووری عێراق بگاته‌ سه‌رووی 50 پله‌ی سیلیزی.