هیچ پاڵاوگەیەکی دیکە بێ ڕەزامەندیی ژینگە مۆڵەتی پێ نادرێت

ئاڤا نیوز

زۆرینەی پاڵاوگە نایاساییەکان لە هەرێمی کوردستان داخراون، ھەر پاڵاوگەیەکیش دابمەزرێت پێویستە ڕەزامەندی لە نۆ شوێن وەربگرێت.

وێنە گەورەکە: لە سنووری هەولێر چوار پاڵاوگەی یاسایی و 126 پاڵاوگەی نایاسایی هەن، بەهۆی نەبوونی مۆڵەت و پابەند نەبوون بە ڕێنماییەکان، نزیکەی 70یان داخراون.

بۆچی گرنگە: دەبێتە هۆی ئەوەی کە خاوەن پاڵاوگەکان مۆڵەتەکانیان نوێ بکەنەوە و ڕێنماییەکان جێبەجێ بکەن.

لێدوانی فەرمی: ئازاد نووری، بەڕێوەبەری فەرمانگەی کاروباری ھونەری لە دەستەی ژینگەی ھەرێمی کوردستان بە ئاڤا نیوزی گوت: "هەرکەسێك بیەوێت پاڵاوگە دابمەزرێنێت، دەبێت ڕەزامەندیی وەزارەتی شارەوانی، گەشتوگوزار، دەستەی ژینگە، کارەبا و چەند شوێنێکی دیکە وەربگرێت بە ئاسانی وەک جاران مۆڵەت نادرێت".

زانیاریی زیاتر:" بە ھۆی ئەوەی پێشتر ڕێگەی ھاوردەکردنی سووتەمەنی کەم بوو، پێویستمان بەو پاڵاوگانە ھەبوو، بەڵام ئێستا بەنزین و سووتەمەنی ھەیە و پێویست ناکات ئەو پاڵاوگانەی کە ڕەچاوی مەرجەکان ناکەن بمێنن". ئازاد نووری وادەڵێت".

باکگراوند: دوو ساڵە بە بڕیاری ئەنجوومەنی وەزیران هەڵمەتی داخستنی پاڵاوگە نایاساییەکان دەستیپێکردووە و هەڵمەتەکە بەردەوامە.