نەتانیاهۆ بە نهێنی سەردانی ڕەفەحی کردووە

ئاڤا نیوز

بنیامین نەتانیاهۆ، سەرۆکوەزیرانی ئیسرائیل، بە نهێنی سەردانی شاری ڕەفەحی لە کەرتی غەززە کردووە و لەگەڵ ژمارەیەک لە فەرماندە سەربازییەکانی سوپای ئیسرائیل کۆبووەتەوە.

وێنە گەورەكە: دوای زیاتر لە نۆ مانگ لە هێرشی ئیسرائیل بۆ سەر غەززە، ئیسرائیل نەیتوانیوە بە هیچ یەکێك لە ئامانجەکانی بگات کە بەردانی بارمتەکان و لەناوبردنی حەماسە.

زانیاریی بەدەستهاتوو: نەتانیاهۆ بە فەرماندەکانی سوپای ئیسرائیلی گوتووە " گوشاری سەربازی یارمەتیمان دەدات تا لە دانوستانەکاندا داواکارییەکانمان بە سەر حەماسدا بسەپێنین".

لە لایەکی دیکەوە: شاندێکی ئیسرائیلی بۆ درێژەدان بە دانوستانەکانی ئاگربەست و ئاڵوگۆڕی بارمتەکان لەگەڵ حەماس، سەردانی قاهیرەی پایتەختی میسریان کردووە.