بانکی ناوه‌ندیی عێراق ژماره‌یه‌ک له‌ بانکه‌کان سزاده‌دات

ئاڤا نیوز

بانکی ناوه‌ندیی عێراق ، زیاتر له‌ 43 ملیار دینار غه‌رامه‌ و سزا به‌سه‌ر بانکه‌کان و دامه‌زراوه‌ داراییه‌ نابانکییه‌کاندا سه‌پاند.

وێنە گەورەکە:  له‌ وه‌رزی دووه‌می ئه‌مساڵدا بانکی ناوه‌ندی عێراق به‌پێی خشته‌یه‌ک کۆی گشتی بڕی غه‌رامه‌ و سزا داراییه‌کانی خسته‌ڕوو که‌ به‌سه‌ر ژمارەیەک بانک و دامه‌زراوه‌ داراییه‌ نابانکییه‌ندا سه‌پاندوونی، ئەویش به‌هۆی پابه‌ند نه‌بوونیان به‌ یاسا و رێنماییه‌ داراییه‌کانه‌وه‌ .

ژماره‌کان واده‌ڵین:  بۆ مانگی نیسانی ئه‌مساڵ، 30 سزای کارگێڕی به‌ بڕی زیاتر له‌ شه‌ش ملیار و 634 ملیۆن دینار سه‌پێنراوه‌،  بۆ مانگی ئایار،  40 سزای کارگێڕی به‌بڕی زیاتر له‌ 34 ملیار دینار سه‌پێنراوه‌،  بۆ مانگی حوزه‌یران 30 سزای کارگێڕی به‌بڕی زیاتر له‌ دو ملیار و 829 ملیۆن  دینار سه‌پێنراوه‌.