بەرهەمەکانی هەرێمی کوردستان بەبێ باج دەنێردرێنە پارێزگاکانی عێراق

ئاڤا نیوز

 

دەستەی وەبەرهێنانی هەرێمی کوردستان ئاشکرای دەکات، بەغدا هیچ ڕسومات و باجێكی نه‌خستووه‌ته‌سه‌ر ئەو بەرهەمانەی لە هەرێمی کوردستانەوە دەبرێنە پارێزگاکانی عێراق.

 

وێنە گەورەکە: کابینەی نۆیەمی حکومەتی هەرێمی کوردستان، لەپێناو بەرەو پێشبردنی پرۆسەی وەبەرهێنان و چاکسازی، کۆمەڵێک هەنگاوی بۆ بەرژەوەندیی هاووڵاتییان و كاسبكاران ناوە.

 

لێدوانی فەرمی: بەرگەشت ئاکرەیی، وتەبێژی دەستەی وەبەرهێنانی هەرێمی کوردستان بە ئاڤا نیوزی گوت: "ئەو کاڵایانەی لە چوارچێوەی پڕۆژەكانی وەبەرهێنانی هەرێمی کوردستان به‌رهه‌م دێن، لە پارێزگاکانی خواروو و نێوەڕاستی عێراق خواستێکی زۆریان له‌سه‌ره‌".

 

زانیاریی زیاتر: "حكومه‌تی عێراق تائێستا به‌فه‌رمی هیچ جۆره‌ باجێكی نه‌خستووه‌ته‌سه‌ر ‌به‌رهه‌مه‌ نێوخۆییه‌كانی هه‌رێمی كوردستان". ئاکرەیی ئەمەشی گوت.